Department of Energy, magatutok sa mga kompaniya nga posible naga-hoard sang supply sang petrolyo

Nagmandu ang Department of Energy (DOE) sa Oil Industry Management Bureau nga bantayan ang mga kompanya sang langis batok sa posible nga pagpang-abuso sa presyo sang mga produktong petrolyo.

Sa press briefing, ginpahayag ni Sharon Garin nga importante nga masiguro nga wala sang hoarding ukon pagpanago sang supply sang gatong, bangud man sa nagapadayon nga tensyon sa Middle East.

Suno kay Garin, posible nga may pila ka kompanya nga magpanago sang ila supply kag ipaguwa lang ini kon magsaka na ang presyo.

Ginsiguro niya nga nakatutok na ang DOE, kasunod sang mandu ni President Bongbong Marcos nga bantayan ang posible nga hoarding sang petrolyo.