Ginhatagan pagtamod sang Department of Justice nga handa ini sa anuman nga tion kon ibalik sang Timor Leste si anay Rep. Arnolfo “Arnie” Teves Jr.
Si Teves ang gina-alegar mastermind sa likod sang pagpatay sa sadto Negros Oriental Governor Roel Degamo kag siyam ka iban pa nga mga indibidwal nga imbolbado sa maduguon nga pagpangluthang.
Ginhimo sang Justice Department ang pahayag kasunod sang ginreport nga pag-aresto kay Teves sang Timor Leste Immigration gikan sa iya gina-istaran.
Padayon ang monitoring sang DOJ sa pinal nga desisyon sang Timor Leste sa extradition request sang Pilipinas batok kay Teves.
Nagapangatubang sang madamo nga kaso nga murder si Teves lakip na ang murder nga nagluntad sang 2019 sa iya probinsya.
Sa bag-o nga pahayag, ginpahayag sang Timor-Leste nga indi dapat magpabilin sa ila lugar ang anay mamalidha, apang sa pihak sini, ginahulat pa sang Pilipinas ang pormal nga dokumento nga ipagwa.
Mahimo nga i-deport ang anay opisyal bilang isa ka undocumented foreigner ukon i-extradite pabalik sa Pilipinas base sa una nga pangabay sang aton pungsod.
