Handa na ang Department of the Interior and Local Government kaupod ang Philippine National Police agud masiguro ang luwas kag matawhay nga pagpatigayon sang Trillion Peso March, subong nga adlaw
Liwat nga ginpamatud-an sang ahensya ang ila pangako nga amligan ang tagsa ka pumuluyo, huptan ang katawhay kag siguraduhon ang kaluwasan sang hublag-protesta.
Sa isa ka pahayag may kaangtanan sa preparasyon sa seguridad sang DILG, ginpahayag sini nga ang national police magadeploy sang bastante nga kapulisan sa mga kritikal nga lugar agud ma-manage ang numero sang mga tawo, magresponde sa emerhensya nga sitwasyon kag mamentinar ang dalagan sang trapiko.
Ini ang sandig man sa direktiba ni Presidente Ferdinand Marcos Jr nga masiguro ang kaluwasan sang publiko samtang ginapatuman ang konstitusyonal nga kinamatarung sang mga Pilipino sa malinong nga pagtililipon.
Ginahingyo sang DILG sa tanan nga magapakigbahin sa rally nga responsable nga ipahayag ang ila mga kinamatarong, sundon ang mga pagsulundan halin sa otoridad kag magkooperar para sa isa ka matawhay kag luwas nga rally.
Samtang, magapatigayon man ang archdiocese of Capiz sang prayer rally takna las 2 sang hapon subong nga adlaw.
