-- ADVERTISEMENT --
Plano nga gamiton sang Pilipinas ang pag-host sini sa Association of Southeast Asian Nations (Asean) Summit sa 2026 agud pasanyugon ang mga inisyatibo nga magapaligon kag mapalapad ang lokal nga negosyo sa rehiyon kag makakuha sang mga investor.
Suno kay Trade Secretary Cristina Roque, mahimo nga mangin plataporma ang pagpamuno sang Pilipinas sa Asean para sa isa ka “major business matching” nga aktibidad nga pagtililipon sang mga opisyal sang gobyerno kag mga lider sang negosyo gikan sa nagkalain-lain nga pungsod sa rehiyon.
Partikular nga plano sang Department of Trade and Industry (DTI) nga i-connect ang mga Pilipino nga negosyante sa mga Asean trade minister sa ila una nga miting sa idalom sang pagdumala sang Pilipinas.
