ROXAS CITY – Depresyon ang ginapatihan motibo sa pag-utas sang 74-anyos nga tigulang sa iya nga kaugalingon sa Barangay Lawaan, sining syudad.
Ginkilala ang biktima kay Tatay Teddy nga nasapwan nga nagabitay sa kusina sang ila balay sang utod nga si Mary.
Gilayon nagpangayo sang bulig si Mary sa asawa sang ila pakaisa nga si Adelina Arciga nga nagpadulong man sa balay sang biktima.
Ginpahayag ni Arciga nga nagdumdum ini nga nadanlog lamang ang tigulang apang nakibot sang makita nga may higot nga nylon cord ang liog sang biktima.
Suno sa ginang nga wala man nakamuno sa iya ang biktima nga may ginasuprer ini nga problema.
Samtang ba-se sa pila ka mga reports nga nagalagaw, ginbatyag sang tigulang ang pagkadula sang ila komunikasyon sang ikaduha nga asawa nga nagatrabaho sa Metro Manila.
Nahibaluan nga kaupod ni Tatay Teddy nga nagaestar sa ila balay ang anak sini nga tricycle driver nga amo pa ang nagdala sa iya sa ospital, apang gindeklara ini nga dead on arrival.
