Ginkumpirma sang Department of Foreign Affairs nga nasapwan na nga patay ang isa ka overseas Filipino nga una nareport nga namissing matapos nga nag-igo ang magnitude 7.7 nga linog sa pungsod Myanmar.
Sa isa ka mensahe, ginsiling ni DFA Undersecretary Eduardo De Vega nga ang biktima amo si Francis Aragon nga positibo nga ginkilala.
Suno sa ahensya, napabalo na sa pamilya sang napatay nga Pilipino ang nadangatan sini kag sa subong nga sitwasyon.
Bilang pagrespeto sa pamilya nga namatayan amo ang indi danay sila magpaguha sang iban pa nga mga impormasyon angut sa nadangatanan sini.
Ginsiguro naman sang DFA nga magapadayon ang ila nga pag-atubang sa mga Pilipino namissing matapos ang mabaskog nga linog.
Una na diri ginkumpirma naman sang utod sang biktima ang impormasyon nasapwan na ang bangkay sini.
