Natapos sa trahedya ang ginalauman nga malipayon nga pagbiyahe sang isa ka Filipino tourist sa Hongkong.
Sa pahayag sang Department of Foreign Affairs (DFA), base sa report halin sa Philippine Consulate General sa HK, ginkumpirmar ang kamatayon sang 35-anyos nga Filipino tourist matapos nakaangkon sang pilas sang nabungguan sang taxi sa Tsuen Wan West, Hong Kong sang Agosto 5.
Suno sa Consulate General, yara na sa Kwai Chung Public Mortuary ang bangkay sang Pinoy.
Ang Consulate General nagpalab-ot sang pagpakig-unong sa pamilya kag nagpangamuyo para sa walay katapusan nga kapahuwayan sang napatay nga turista.
Sa karon, ginabuligan sang Consulate ang mga pamilya sang napatay kag ginalauman nga maga-abot sa Hong Kong agud i-areglo ang pagpapauli sang iya bangkay.
Base sa inisyal nga report, nadulaan sang preno ang taxi rason nga nabungguan sini ang Filipino tourist nga magagwa sa Nina Hotel matapos magcheck out.
Samtang, ginreport sang DFA nga yara na sa kustodiya sang kapulisan ang taxi driver nga nadalahig sa aksidente kag naga-coordinate man sa HK Police Force samtang nagapadayon ang imbestigasyon sa kaso.
