ROXAS CITY – Liwat nga magasugod ang distribusyon sang Rice Farmers Financial Assistance P5,000 sa bulan sang Hulyo.Ini ang ginkumpirmar ni Regional Director Remelyn Recoter, sang Department of Agriculture (DA)-Region 6 sang mainterview sang Bombo Radyo.
Suno kay Recoter, ang nasambit nga ayuda ang may yara ang budget nga P1.4B kun sa din target sini nga matahatagan ang 200,000 nga mga mangunguma sa bug-os nga rehiyon 6.Maluwas sa financial assistance magapanagtag man ang DA sang abono kag hybrid seeds.
Ginpahayag sini nga hatagan sang prayoridad ang wala nakabaton sang nauna nga ayuda nga yara nakarehistro sa Registration System for Basic Sector and Agriculture (RSBSA).
Dugang pa sang direktor nga nagsugod na ang pagpanagtag sang fuel card nga may unod nga P3,000 para sa fuel subsidy apang wala pa sa probinsya sang Capiz kun sa din 650 ka mga mangunguma ang mahatagan.
