DJ Mo Twister, ginkumpirmar nga bulagay na sila sang asawa sini nga si Angelicopter

Ginkumpirmar ni DJ Mohan Gumatay ukon mas kilala bilang DJ Mo Twister nga bulagay na sila sang asawa sini nga si Angelika Schmeing ukon mas kilala bilang si Angelicopter.

Una na nga ginpahayag ni DJ Mo ang pagbulagay nila sang Hunyo, kadungan sang anibersaryo sang ila kasal.

Naghatag pa ini sang detalye nga wala na sang chance nga magbalikan pa ang mga ini.

Ginpanginwala man sini nga third party ang rason sang ila pagbulagay.  

Matandaan nga sang Hunyo tuig 2021 sang ginkasal ang duha sa Iceland.