Ginganyat sang Department of Migrant Workers (DMW) ang mga pinoy nga nagapangita sang trabaho nga testingan ang mga job openings sa pungsod Taiwan subong nga tuig.
Sa datos sang Manila Economic and Cultural Office (MECO) may yara mas ukon menus 4,000 job hirings sa nasambit nga pungsod ilabi na sa industriya sang manufacturing.
Nauna naman nga naglunsyar sa idalom sang kolaborasyon sang DMW kag sang MECO sang isa ka job fair sa Quezon City sang mga nakaligad nga adlaw para sa mga oportunidad kag trabaho nga bukas sa iban nga pungsod kasubong sang Taiwan.
Para naman sa mga kababayan nga nagakabalaka sa mga posible nga balayran sang placement fees sa mga maga-apply, ginsiguro sang DMW nga wala sang magasukot sang anuman nga bayad sa mismo nga adlaw sang application tubtob matapos ang hiring process.
Samtang para naman sa mga bag-o nga aplikante, nagikan sa medical examinations, NBI clearances, PSA Certifications, kag passports, ini tanan ang dapat bayad sang mismo nga employers sini.
Ginalauman naman nga indi magnubo sa ₱50,000 ang mabaton nga sahod sang mga mamumugon nga makabaton man sang tuigan nga increase base sa Foreign Service Act kag mahimo man nga makabaton ang mga mamumugon sang iban pa nga mga benepisyo kag 6% tax rate.
