Nagpaandam ang Department of Health (DOH) nga posible magsaka ang mga breeding areas sang lamok nga nagadala sang dengue virus kadungan sang anum ka magkasunod nga tropical cyclone nga nagtupa sa pungsod.
Pinaagi sa isa ka advisory, nagpaandam ang ahensya sa publiko nga kuhaon ang mga stagnant water kag gilayon nga magpakonsulta sa tion nga maka-eksperyensya sang sintomas sang amu nga sakit partikular sa mga rehiyon nga apektado sang tropical cyclone nga Kristine, Leon, Marce, Nika, Ofel, kag Pepito.
Mahibaluan nga may yara na sang 17,033 nga kaso ang napagkit sumugod lamang sadtong Oktubre 20 tubtob Nobyembre 2, 2024, mas manubo sang 17% kung ikumparar sa 20,498 nga kaso sumugod Oktubre 6 tubtob 19, 2024.
Samtang, wala naman sang datos nga napagkit nga pagtaas sang mga panibag-o nga kso sa nasambit nga rehiyon sa nakaligad nga anum ka semana.
Dugang pa sang ahensya, ginalantaw man sini nila ang mga reports may kaangtan sa epekto sag bagyo nga posible wala pa nalista.
