DOLE, nagpaandam sa mga kompaniya nga indi pag-pwersahon ang mga workers nga mag-intra sa games ukon aktibidad

Ginpaandaman sang Department of Labor and Employment (DOLE) ang mga kompaniya nga magpatigayon sang Christmas parties kag events nga respetuhon ang beliefs, religion kag personal preferences sang kada empleyado.

Suno sa DOLE, may yara sang kinamatarong ang mamumugon nga mag-file sang reklamo sa ahensya kun ginapwersa ang mga ini nga magsaot ukon ano pa nga aktibidad nga indi nila luyag ukon indi insakto.

Ginpahayag sang ahensya nga nasaad sa Labor Code nga indi mapwersa ang mamumugon nga mag-intra ukon mag-perform ilabi na kun wala na ini nalakip sa iya nga work ukon job description.

Ang reklamo ang mahimo nga ipasaka sa National Labor Relations Commission.