Nagpain ang Department of Labor and Employment sang P45 milyon bilang emergency employment assistance sa mga mamumugon nga nadulaan sang trabaho bangud sa oil spill bangud sang pagkalunod sang tanker nga MT Terranova sa Bataan.
Sa isa ka interview, ginpahayag ni Labor Secretary Bienvenido Laguesma nga indi magnubo sa 1,357 ka mangunguma ang magapulos diri.
Suno kay Laguesma , nahatagan na sang emergency employment ang mga indibidwal nga apektado sang oil-spill sa probinsya sang Bataan.
Dugang pa nga, magatrabaho ang mga mamumugon-benepisyaryo sa sulod sang 10 tubtob 20 ka adlaw sa idalum sang programa, nga nagpahayag nga magbulig sa pagpangalap kag pagkolekta sang mga bunot sang lubi agud mangin oil spill booms.
Ginpahayag ni Laguesma nga magabulig man sila sa clean-up operations sa malain nga epekto sang Bagyong Carina.
Bilang kabaylo pagabayaran sila sang minimum wage rates sa rehiyon.
Kun matandaan, sadtong nakaligad nga Hulyo 25, nagkulob ang MT Terranova sa Limay, Bataan, nga nag-ula sang yara sa 1.4 milyon ka litro nga industrial fuel oil sini sa tubig.
