Nagsurrender sa kapulisan ang driver nga nakabunggo sa isa ka senior citizen sa San Fernando, Pilar, Capiz.
Ang biktima amo si alyas Orlando, 88 anyos kag pumuluyo man sang nasambit nga lugar.
Samtang suspek ang ginkilala kay alyas Gerald, 45-anyos kag residente sang probinsya
sang Aklan.
Sa interview sang Bombo Radyo kay Police Senior Master Sergeant Elmer Balgos, imbestigador sang Pilar Municipal Police Station, iya ginpahayag nga sang tinalikdan nga January 10, 2026, may nabaton sila nga report nahanungod sa nasambit nga insidente kag gilayon nga ginpadulungan.
Pag-abot sa lugar, nasapwan ang biktima kag gilayon nga gindala sa ospital apang gindeklara nga dead on arrival sa ospital.
Suno kay Police Senior Master Sergeant Balgos, nakit-an sa lugar ang side mirror sang isa ka canter truck sa lugar nga nangin isa man ka lead agud ma-identify ang suspek.
Sa subong, temporaryo nga nakagwa sa prisohan ang suspek samtang ginahulat ang desisyon sang pamilya kun magapasaka sang kaso ukon indi.
