Driver pilason matapos nga bumaliskad ang isa ka salakyan sa uyapad sa banwa sang Sigma

ROXAS CITY-Pilason ang 54-anyos nga mister matapos nga bumaliskad ang ginamaneho nga salakyan sa Barangay Dayhagon, Sigma Capiz.

Ginkilala ang biktima nga si Manuel Maranga, residente sang Kalibo, Aklan.

Sandig sa inisyal nga imbestigasyon sang Sigma Municipal Police Station nagaguwa diri nga samtang naga-overtake ini sa ginsundan nga salakyan, aksidente ini nga lumapaw sa dalan kag dalayon nga bumaliskad sa uyapad.

Ginapahayag nga nadulaan sang kontrol sang manibela si Maranga bangud madanlog ang dalan kasunod sang mamunog nga ulan. 

Nakaakon sang pilas sa magkatuhay nga porsyon sang kalawasan si Maranga nga namalibad nga magpadala sa ospital.