Driver sang bus, patay, 19 pilason sa pagbunggu-anay sang bus kag trailer truck

Patay ang driver sang bus samtang pilason naman ang 19 ka mga pasahero matapos ini ang nakabunggo sa trailer truck nga gin-alegar nadulaan sang kontrol sa STAR Tollway sa banwa sang Ibaan, Batangas.

Suno sa imbestigasyon,  nadulaan sang kontrol ang truck sang naglupok ang goma sini sa STAR Tollway sa Barangay Sabang.

Bangud sini, nagkadto ang truck driver sa lane sang bus, nga padulong kuntani sa Manila.

Nahalitan ang atubang sang duha ka salakyan bangud sa kabaskugon sang pagbunggo.

19 ka mga pasahero sang bus ang napilasan kag gilayon nga gindala sa ospital, kag ang driver napatay sa ospital.

Gin-aresto sang mga otoridad ang driver sang truck.

Samtang, wala pa sang pahayag ang kompaniya sang bus.