ROXAS CITY – Dead on arrival sa ospital ang driver sang motorsiklo matapos bumunggo ang ginamaneho sa kasugata nga salakyan 5:00 sang aga, Pebrero 25, 2024 sa Barangay Viscaya, President Roxas, Capiz.
Ang indi na paghingadlan nga biktima ang naga-edad 42-anyos, mamugon kag residente sang Sitio Euscade, Barangay Badiangon, sang nasambit nga banwa.
Sandig sa imbestigasyon sang President Roxas Municipal Police Station, samtang ginasubay sang biktima ang dalanon padulong sa Pontevedra sakay sa Kawasaki Bajaj nga motorsiklo.
Pag-abot sa ginluntaran sang aksidente, ginapahayag nagpang-agaw sang linya ang biktima kag aksidente nga bumunggo sa kasugata nga Suzuki SUV nga ginamaneho sang 24-anyos nga estudyante nga residente sang Brgy. Tiza Roxas City.
Bangud sa impact, nag-angkon sang patal nga pilas sa nagkalain-lain nga parte sang lawas ang biktima.
Ginpadangat pa sa ospital ang biktima apang ginbawian ini sang kabuhi.
Sa karon, lunsay ginkustodiya sang kapulisan ang mga naulamid nga behikulo para sa nagakaigo nga disposisyon.
