ROXAS CITY – Nagdangat sa kapin P136,000.00 nga balor sang droga ang nakumpiskar sang mga otoridad matapos ang ginkasa nga Railway Street, Barangay Punta Tabuc, Roxas City.
Matandaan nga ginkilala ang mga nagkaladakpan nga sanday Daniel Dela Cruz, 46-anyos, residente sang Brgy. Milibili, Cristina Agana, 30-anyos, residente sang Brgy. Dumulog kag Bethel Hope Peroja, 41-anyos kag residente sang Railway Street, Brgy. Punta Tabuc, Roxas City.
Sa interview sang Bombo Radyo sa Provincial Officer sang Philippine Drug Enforcement Agency (PDEA) Capiz nga si Ma. Melinda Panaguiton, ginpahayag sini nga nakuha sa paghinakop sang mga nagkaladakpan ang 27 tanan nga sachets sang ginapatihan shabu nga may kabug-aton 20 gramos, sling bag nga nagaduag itom, mga lighter, aluminum foil, empty plastics kag P500 nga buybust money.
Suno kay Panaguiton, naglab-ot sa duha ka semana ang ila pagmonitor kay Dela Cruz kung sa diin ini ang subject person sa operasyon.
Mahibaluan nga aminado man ini nga nagaduso kag nagagamit sang illegal nga droga subong ang iya live-in partner nga si Peroja.
Kaso nga paglapas sa Republic Act 9165 ukon Comprehensive Dangerous Drugs Act of 2002, ang paga-atubangon sang mga nagkaladakpan.
