Nagpaandam ang Department of Social Welfare Development (DSWD) sa publiko batuk sa scammers nga nagapakuno-kuno nga representatives sang ahensya kag nagatanyag sang cash aid kabaylo sang personal nga impormasyon.
Sa statement, ginpahayag sang DSWD nga ang scam messages ang nagalapta pinaagi sa text messages kag Facebook Messenger, nga nagapromisa sang financial assistance nga P6,500 tubtob P8,500.
Apang kabaylo sang cash, ginapangayuan ang biktima sang ila pangalan, contact number kag home address.
Suno sa ahensya, iban nga scammers gina-require pa ang mga biktima nga ma-access ang ila GCash account agud makakuha sang kwarta.
“All official announcements regarding DSWD programs are released only through our verified channels. If an offer sounds too easy or asks for sensitive information, that is already a red flag,” pahayag ni DSWD spokesperson and Assistant Secretary Irene Dumlao.
