ROXAS CITY – Nagapabilin nga lubog sa baha ang Dubai sa United Arab Emirates, apisar nga nag-untat na ang pagbobo sang ulan sa lugar.
Sa interview sang Bombo Radyo kay Raquel Jeroso, Bombo International Correspondent- Dubai, ginpahayag sini nga nagsugod ang ulan sadtong lunes sang gab-i (oras sa Dubai) nga na-eksperyensyahan nila ang pabugso-bugso nga pag-ulan nga may mabaskog nga hangin.
Mahibaluan suno kay Jeroso nga ang ginatan-aw nga rason sang tuman nga pag-ulan amo ang cloud seeding bangud nagapatigayon sila sang amo nga cloud seeding 1000 times sa sulod lamang sang isa ka tuig.
Suno pa nga nagapatigayon sila sang cloud seeding bangud luyag man sang mga pumuluyo sa lugar nga ma-eksperyensyahan liwat ang pag-ulan apang indi nangin manami ang resulta.
Pahayag ni Jeroso nga, ulihi nga na-eksperyensyahan ang tuman nga pag-ulan sadto pang 1949, nga may 75 na katuig ang nakaligad.
Kun panumdumon lang suno ang ulan nga nagtupa sa subong ang kabaylo sang 2 ka tuig nga pag-ulan kag indi naman ang ginakabig nila nga pinakamabaskog nga ulan nga ila na-eksperyensiyahan.
Apektado man suno ang Dubai airport nga ginakabig nga busiest international hub sa kalibutan kun sa diin gin- suspend ang operation kasubong man ang mga klase sa eskwelahan sa bilog nga UAE.
Dugang pa ni Jeroso nga naga-amat-amat naman subside ang tubig-baha apang ginakinahanglan suno nga pasuyupan gamit ang hose agud mag-ubos pagid ang lebel sang tubig.
Indi gilayon nga magsubside ang tubig bangud sa kakulangan sang drainage.//END
