Dugang nga 62 ka mga depektibo nga kilohan sa TATC, ginpang-calibrate 

ROXAS CITY – Luyag masiguro sang alkalde sang syudad nga tampad, maayo kag insakto ang pagbaligya sa Teodoro Arcenas Trade Center.

Bangud sini, liwat nga nagpatigayon sang inspekyson ang TATC Management sa pagpanguna ni Mrs. Heloise Mendoza, market administrator, sa mga kilohan sa amu nga merkado kun sa diin, 62 diri ang depektibo kag ginkumpiskar, kag natigayon nga ma-calibrate, nga kadam-an nagikan sa fish section.

Ginpahayag ni Mayor Ronnie Dadivas sa iya Facebook post nga indi sini luyag nga magpadayon ang istilo nga pagdinaya sa pagbaligya.

Ginpanugyan man sini sa mga manugbaligya nga mangin tampad sa ila customer bangud alalangay ini nga nagabakas sa pagpangabuhi.