ROXAS CITY – Nagdangat sa 193 ang kabug-usan nga numero sang mga successful blood donors nga nagdonar sang dugo sa ginpatigayon nga Dugong Bombo 2020 sa Barangay Pob. Norte, Sigma, Capiz.
Base sa datos sang Philippine Red Cross – Capiz Chapter, naglab-ot sa 86,850 CC sang dugo ang nakolekta kun sa diin ginabug-usan sang 22.9 gallons.
Sa mga nagdonar sang dugo 143 ang mga kalalakinhan kag 50 naman ang mga kababainhan.
Mahibaluan nga ang 541 ka mga pasyente ang sarang mangin benepisaryo sang natipon nga dugo.
Samtang, kapin 56 ka mga nagdonar sang dugo ang Type A; 54 ang Type B; 69 ang Type O kag 14 naman ang Type AB. Sa pihak nga bahin, 59 diri ang mga New Donors kag 134 naman ang Regular Donors. Lubos man ang pagpasalamat ni Dr. Ma. Teresa Tan, ang Municipal Health Officer – Rural Health Unit sang Sigma bangud sa suporta nga ginpakita sang mga nagpartisipar sa nasambit nga aktibidad.
