2 ka persona arestado matapos nga ginserbihan sang WOA sang mga kapulisan

ROXAS CITY-Arestado ang duha ka mga persona matapos nga ginserbehan sang warrant of arrest sang Dumarao Municipal Police Station sa Barangay Janguslob, Dumarao, Capiz.

Ginkilala ang mga arestado nga sanday Rogen Jingras 36-anyos kag Richard Billones 46-anyos lunsay mga residente sang amo nga lugar.

Panombongon nga pagpangawat ang ginapangatubang sang duha ka mga arestado kun sa diin ang nasambit nga warrant of arrest ang gin-issue kag ginpirmahan ni Hon. Presiding Judge Jerson Almalbis, Presiding Judge sang MTTC Dumarao-Cuartero.

Ginrekomendar naman sang korte ang P5,000 para sa temporaryo nila nga kahilwayan.

Sa karon, nagapabilin sa karsel sang Dumarao Municipal Police Station ang duha ka mga persona.