PUERTO PRINCESA CITY, PALAWAN – Patay ang duha ka mga pulis kag isa ka empleyado sang Bureau of Corrections (BuCor) sang gab-i sang Biyernes Santo, Abril 3, matapos ang natabo nga pagpangluthang sa Barangay Irawan, Puerto Princesa City, Palawan.
Base sa mga residente sa lugar, nagluntad ang isa ka komprontasyon sa tunga sang police officers kag pila ka mga tambay takna las-9:40 kagab-i.
Una nga naglakat ang mga pulis sa lugar apang nagbalik man ang mga ini nga may kaupod nga backup nga nagtuga sang panibag-o nga komprontasyon nga nagresulta sa pagluthanganay.
Natumod ang mga napatay nga sanday Police Staff Sergeants Ryan Cris Cabaña kag Jayson Fernandez, nga lunsay nakadestino sa Puerto Princesa City Police Station 2 kag si Jerson Ojario Talon sang BuCor.
