DUMARAO, CAPIZ – Padayon ang ginahimo nga tikang sang lokal nga gobyerno sang banwa sang Dumarao agud mabatuan ang nagatinaas nga kaso sang balatian nga dengue sa ila banwa.
Sa interview sang Bombo Radyo kay Atty. Matt Hachuela, alkalde sang nasambit nga banwa, ginkaalarma man sini ang pagtinaas sang kaso sang dengue ilabi na nga kaangay nga ginabalewala ini sang iban nga pumuluyo.
Bangud sini nagpatigayon sang rekorida sa mga kabarangayan agud mapaalinton sa mga pumuluyo kag mga opisyales sang barangay ang importansya sang pagpanglimpyo sa palibot agud matapna ang nagaduging nga dengue.
Ginpasalamatan man sini ang ginlunsyar nga Lamok Buster Initiative sang Provincial Government sa pagpanguna ni Gov. Fredenil Oto Castro sa banwa sang Dumarao nga ginsuportahan sang barangay officials, employees kag mga health workers.
Mahibaluan nga naglab-ot sa 2,370 ang nabalhag nga kaso sang Dengue sa probinsya base sa datos sang Provincial Health Office humalin Enero 1 tubtob Agosto 32, 2024.
