-- ADVERTISEMENT --

Liwat mga nagpakita si Armand “Mondo” Duplantis sang iya ikasarang sa pole vault sa Diamond League meet sa Oslo sang Huwebes, pagkatapos nga nakabutang sang bag-o nga meet record nga 6.15 metros.

Samtang napaslawan naman nga makalabaw sa una nga round ang Filipino pole vaulter nga si EJ Obiena rason nga temprano pa ini nga na-knock out matapos wala maka-clear sang 5.62 meters.

Si Duplantis, nga sa karon wala sing katumbas sa pole vault, ang nagguba sang iya kaugalingon nga world record nga 6.27 metros nga gintalana sang Pebrero.

Bisan pa sang dalagku nga mga kadalag-an pareho sang Olympic gold kag tatlo ka world record-breakings sang 2024, padayon niya nga ginapabakod ang iya reputasyon bilang hari sang isport.

Samtang, si Obiena, upod sa mga vaulter nga sanday Sondre Guttormsen sang Norway kag Ben Broeders sang Belgium, naghimakas sa 5.62 metros, nga napaslawan sing temprano.

-- ADVERTISEMENT --

Sang ginpataas ang bar, si Duplantis nakalab-ot sang 5.82 metros sa iya una nga pagtilaw, kag sang ulihi ginpadasig ang iya hangkat batok kay Emmanouil Karalis sang Gresya. Sa katapusan, si Duplantis lang ang nabilin sa kompetisyon, kag nakalab-ot sia sa 6.15 metros sa iya ikatlo nga pagtilaw.

“Nakuntento gid ako,” siling ni Duplantis pagkatapos sang kompetisyon.

Samtang, nakatutok si Duplantis sa iya masunod nga kompetisyon sa Stockholm, sa diin nagahandum ini nga ma-break ang world record.