Napunggan sang Blackwater Bossing nga mangin una nga team nga lutuson sang Terrafirma Dyip matapos ginlutos ang nasambit nga hubon sa score nga 96-86 sa nagapadayon nga PBA Commissioner’s Cup nga ginhiwat sa Ninoy Aquino Stadium sa syudad sang Maynila.
Ginsuguran sang Bossing ang last quarter sa 9-1 run agud ila tapuson ang apat ka asud-asod nga piyerde kag mapabilin nga wala sang daog ang Dyip.
Naglab-ot pa sa 10 points ang abanse sang Terrafirma sa una nga quarter sa score nga 21-11 apang nalagas ini sang Bossing kag nakontrol ang hampang.
Nagpanguna sa kadalag-an sang Bossing si George King nga nagpagkit sang 26 points samtang may 17 points, 12 rebounds kag duwa naman nga assists ang nalista ni Justin Chua.
Nauyang naman ang nahimo nga 29 points kag 15 rebounds ni Brandon Edwards para sa Dyip.
