Ginkilala na bilang national shrine ang status sang tatlo ka Simbahan Katolika sa pungsod.
Ginpangunahan ini sang Archdiocesan Shrine of Mary, Queen of Peace ukon kilala bilang EDSA Shrine, Archdiocesan Shrine of Our Lady of Loreto kag Diocesan Shrine of Our Lady of Aranzazu.
Ginhiwat ang pag-angat sang estado sang nasambit nga mga simbahan matapos ang 129th plenary assembly sang Catholic Bishops Conference of the Philippines nga gintambungan sang masobra 70 Obispo sa Sta. Rosa, Laguna.
Ang EDSA Shrine kag Archdiocesan Shrine of Our Lady of Loreto ang yara sa idalom sang Archdiocese sang Manila samtang ang Diocesan Shrine of Our Lady of Aranzazu ang sa idalom naman sang Diocese of Antipolo.
Gintukod ang EDSA Srhine sang 1989 bilang pagdumdom sa Pebrero 25, 1986 people power revolution.
Ini man ang lugar nga ginhiwat ang 2001 rally nga nagresulta sa pagsipa kay anay Presidente Joseph Estrada.
Ang Loreto Church sa Sampaloc District, makita ang centuries-old nga imahen sang Virgin Mary bilang Our Lady of Loreto ini man ang simbahan sa pungsod nga ginhalad sa mga Marian ang titulo.
Samtang ang Aranzazu Shrine sa San Mateo, Rizal naman ang may manggaran nga kasaysayan nga sang 1596, una nga nagpuyo ang mga Augustinian friars.
Suno pa sa CBPCP ang pagdeklarar nga mangin national shrine ang isa ka simbahan kag ini ang makabig nga sagrado nga lugar nga ginkilala sang Simbahan Katolika bangud sa pagiging makasaysayan, spiritual kag may yara sang cultural significance.
Masami nga ini ang ginakilala bangud sa pagsikat sang debosyon, may importante nga religious events, miracles ukon apparitions.
