Prayoridad ni Presidente Ferdinand Marcos Jr., ang edukasyon sa katapusan nga bahin sang iya termino agud masiguro ang palaabuton sang mga mamumugon nga Pilipino.
Sa podcast sang Presidente, ginpahayag sini nga matakus ang kadalag-an sang iya administrasyon paagi sa edukasyon, gani tinguhaan sini nga matuman ang promisa nga ginhimo sa iya State of the Nation Address (SONA) nga ang tagsa ka pamilya may yara sang isa ka tawo nga makatapos halin sa isa ka technical-vocational school pakadto sa kolehiyo.
Ginsiling sini nga kun wala sang kalidad nga edukasyon kag paghanas ang mga Pilipino, wala sang matabo sa pungsod.
Suno sa iya, manami nga mabatian nga madamo sang mga dumuluong ang nanamian sa mga mamumugon nga Pilipino bangud magluwas sa pagpangabudlay, maayo man sila, gani indi dapat pag-usikan ang ini nga mga panan-awan kag pagkilala sa mga Pilipino.
