PRESIDENT ROXAS – Wala na sang kabuhi sang makit-an ang lawas sang isa ka electrician sa sulod sang Capiz Sugar Central, Inc sa Barangay Poblacion, President Roxas, Capiz.
Sa impormasyon nga nakuha sang Bombo Radyo nagikan sa Presidente Roxas Municipal Police Station, ginkilala ang napatay kay Jonel Montalban, 36-anyos kag residente sang So Cubay, Casanayan, Pilar Capiz.
Suno diri nga personal nga nagpadulong sa istasyon sang President Roxas MPS si Bernabe Montalban, 44-anyos, fish vendor, utod sang biktima agud ireport nga nasapwan ang iya utod sa iya gina-obrahan nga wala na sang kabuhi.
Ginpadangat pa sa Bailan District Hospital, Pontevedra, ang biktima apang gindeklarar ini nga Dead on Arrival sang doktor.
Mahibaluan nga may ginasupreher nga sakit sa tagipusuon ang nasambit nga biktima.
