Kasubong nga nagguwa ang “pagka-dramatista” sang isa ka empleyado matapos nga nagpakuno-kuno nga nalipong sang mahulog ini sa pulungkuan samtang nagakatulog sa iya ginaubrahan nga opisina.
Sa online community nga Reddit, ginpakigbahin sang Reddit user ang iya nga experience sang matulugan siya sa pantry sa tion sang iya lunch break.
Sa panaysayon sang amo nga user, sang gab-i antes ang iya duty nagpulaw ini lantaw sang mga videos rason nga natulugan ini sa pantry sang ila ulubrahan bangud sa kakapoy kag katuyo nga iya nabatyagan.
Dugang pa sang natungdan nga isa pa sa nagpabatyag sang iya katuyo amo ang aircon gani napiyongan ini gilayon kag wala sini natalupangdan nga nahulog ini sa salog.
Bangud sa tuman nga kahuya nga iya nabatyagan, ang iya ginhimo nagpabilin ini sa iya posisyon kag wala anay nagbangon kag nagpakuno-kuno nalang nga nalipong.
Nag-panic naman ang mga ka-officemate sini kag nagkuha sang tubig. May nagtawag sang nurse sa clinic gani suno sa natungdan wala na sang atrasan kag nag-acting na lang nga confused, maluya kag may pa-‘water please’ pa ini nga hinyo sa iya mga kaupdanan sa trabaho.
Pagkatapos nga gindala siya sa clinic, gin-check ang iya BP kag ginpamangkot kun nakapamahaw na ini, gilayon naman ini nga nagsabat nga wala pa both breakfast kag lunch, nga iya naisipan nga pinaka-safe nga excuse.
Pagbalik sini sa desk, daw indi na ini makatulok sa mga tawo sa palibot bangud ang iban sini nga ofiice mate pasimple nga nagapasiplat sa iya.
Napayuhom na lang ini sa iya kaugalingon samtang naga-type apang deep inside gusto niya na mag-file sang immediate resignation.
Madamo naman sang naham-ot nga netizens sa istorya sang natungdan kag nag-angkon sang mga komento ang nasambit nga post sa Reddit.
Lesson learned mga Ka-Bombo: Kun ginatuyo dapat nga magtulog gid, pero indi sa pulungkuan kay basi mahulog kaman.
