Arestado ang isa ka empleyado sang munisipyo sa ginkasa nga drug buybust operation sa Sitio Tagbakan, Barangay Majanlud, Sapi-an, Capiz.
Ginkilala ang nadakpan kay alyas “Jeffrey”, 51-anyos kag residente sang Sitio Malinong, Brgy. Poblacion Sapi-an, Capiz.
Sa nakuha nga impormasyon sang Bombo Radyo sa Sapian PNP, isa ka drug surenderee si Jeffrey kag nalakip sa listahan sang BADAC sa ila barangay.
Narekober sa paghinakop sang suspek ang lima (5) tanan ka sachets sang ginapatihan nga shabu, P500 nga buybust money, isa ka wallet nga nagaduag itom kag isa ka unit sang motorsiklo.
Magapangatubang ini sa kaso nga paglapas sa R.A. 9165 ukon Comprehensive Dangerous Drugs Act of 2002.
Sa karon, yara na ini sa karsel sang Sapian Municipal Police Station para sa nagakaigo nga disposisyon.
