-- ADVERTISEMENT --
Maswerte nga nakaluwas ang 50 ka mga pasahero kag lima ka mga crew matapos nagtibusok sa dagat ang isa ka Fokker 50 nga eroplano sang Starsky Aviation pila ka minutos ang nakaligad matapos nga mag-takeoff sa Mogadishu International Airport.
Suno sa Civil Aviation Authority, nag-angkon sang teknikal nga problema ang eroplano rason nga naghingyo ang piloto nga magbalik, apang wala ini nakapundo sa runway kag nag-overshoot antes dalayon nga nagtibusok sa manabaw nga bahin sang Indian Ocean.
Gindayaw naman ang madasig kag kalmado nga desisyon sang piloto nga nagpabilin sng safety sang tanan.
Sa subong, nagapadayon ang imbestigasyon sang mga awtoridad angut sa nasambit nga insidente.
