May ginlatag na nga evacuation plan ang Estados Unidos para sa ila mga pumuluyo nga yara sa Israel, bangud sa nagapadayon kag nagakaigting nga tensyon sa tunga sang Israel kag Iran.
Suno kay US ambassador to Israel Mike Huckabee, pila sa mga pumuluyo sini ang luyag maghalin sa Israel bangud sa nagalala nga tensyon sa Iran.
Ginapahayag nga ginapreparar na sang US embassy sa Jerusalem ang mga evacuation flights kag cruise ships nga ila pagagamiton.
Ginmanduan man sini ang mga pumuluyo kon paano magparehistro para sa evacuation process.
Samtang padayon man ang pagpamomba sang Israel batok sa Iran bangud sang ginapatihan nga pagpanghimo sang Iran sang nuclear weapons, nga kabangdanan sang lalawig nga tensyon kag kabudlayan sa rehiyon.
Ginapanawagan sang gobyerno sang US sa ila mga pumuluyo sa Israel nga magbantay, magpabilin nga alerto, kag magsunod sa mga abiso sang embahada para sa ila kaluwasan.
