Nakaagi ka bala nga nanglaba bangud manami ang tyempo, mainit ang palibot apang sa ulihe gulpi nag-ulan?!
Don’t worry mga ka-Bombo bangud may isa ka estudyante nga naghimo sang isa ka mobile app nga nagahatag sang mga panugda kun san-o kag ano nga oras maayo nga labhan kag pamalhon ang mga panapton sandig sa panahon.
Suno kay JD Satsatin, isa ka computer science major, nakuha niya ang ideya nga himuon ang “Maglaba Ba?” app tungod sa iya lola nga permi gapanglaba kag gina sugo sa iya nga isulod ang mga bayo kun gulpi nga mag-ulan.
Bangod sang amo nga eksperiensya, ginpanumdom ni JD nga maghimo sang amo nga app agod mahibaluan kon san-o kag tubtob sa ano nga oras mangin maayo ang panahon para sa pagpanglaba kag pagpamala.
Ginhimo man ni JD nga simple ang app, nagakinahanglan lang sang mga user nga mamangkot kon ang panahon mangin masanag ukon maulan. Ang app nagahatag man sang mga tips kon san-o ang pinakamaayo nga tion sa pagpanglaba, kag may mga drawing pa ini.
Bangod ang iya lola ang iya inspirasyon, ginsiguro ni JD nga masarangan himuon sang bisan sin-o ang makagamit sang app, bisan ang mga indi techies.
