Magapatigayon sang emergency meeting ang European Union pila ka adlaw antes ang patigayunon nga pagsinapol nanday US President Donald Trump kag Russian President Vladimir Putin.
Bangud ginakabalak-an sang European foreign ministers nga indi malakip sa paghinun-anon si Ukrainian President Volodymyr Zelensky.
Ginapanindugan sang European Union ang importansya nga pag-intra sang Ukraine bangud sila ang may yabe agud dalayon nga matapos ang kinagamo nga naglab-ot na sa apat ka tuig.
Nahibaluan nga patigayunon ang nasambit nga pagsinapol nanday Trump kag Putin sa adlaw sang Sabado sa Alaska.
Madumduman nga una na nga ginsiling ni Trump nga pagkatapos sang pakighinun-anon kay Putin gilayon nya nga tawagan si Zelensky kag ang mga lider European Union angut sa nasambit nga pagsinapol.
