ROXAS CITY – Arestado ang 57 anyos nga drug suspek sa ginkasa nga drug buybust operation sang Station Drug Enforcement Team sang Roxas City Police Station.
Ginkilala ang nadakpan kay Eduardo Conanan, residente sang Burgos Street, Roxas City.
Narekober sa suspek ang anum tanan ka sachets sang ginapatihan shabu, 500 pesos nga marked money, isa ka unit sang cellphone kag ang motorsiklo sini nga ginasakyan.
Mahibaluan nga una na nga nadakpan si Conanan sang mga otoridad pila na ka tuig ang nakaligad apang nakaguha ini sang damlag lang.
Matapos makaguha sa presuhan, sa baylo nga mag-untat sa pagduso sang ilegal nga droga, nagpadayon gihapon ini sa iya ilegal nga buluhaton.
Sa interview sang Bombo Radyo kay Police Lt. Col. Dante Tayco, hepe sang Roxas City PNP, ginpahayag sini nga ila na nga ginahibalo kun sa diin nagakuha sang suplay sang ilegal nga droga si Conanan kag kun sin-o ang mga parokyano sini.
