ROXAS CITY – Ginhatagan na sang go signal sang Department of Education (DepEd) Region 6 ang Filamer Christian University nga magpatigayon sang limited face to face classes halin Kinder tubtob High School.
Ini ang ginpahayag ni Dr. Minnie P. Chan, Vice President for Academic affairs sang nasambit nga unibersidad sang ma-interview sang Bombo Radyo.Suno kay Chan, nga gintugutan na sila sang regional director nga posible na sila makasugod sang limited face to face classes subong nga semana.
Apang, bangud sa madamo pa sila sang igadugang nga physical preparations nadesisyonan sang mga principal sang amo nga buluthuan nga sa bulan nalang sang Abril pagasuguran ang in-person classes.
Dugang pa sini nga duwa ka beses nagpatigayon sang assessment ang DepEd Roxas City subong nga bulan sang Marso amo nga unibersidad.
Gin-patpat man sini ang mga rason kun ngaman ginhatagan sila sang aprubal nga magpatigayon sang limited face to face classes, una dapat nga fully vaccinated ang tanan nga faculty and staff, ikaduwa dapat may yara sang establish nga health protocols ang eskwelahan lakip na dira ang mga room preparations, mga pulungkuan, 1.5 meters social distancing kag ilabi na ang clinic.
Boluntaryo man ang mga estudyante nga magdesisyon kun sila ang magapakigbahin sa limited face to face classes kag wala ini ginapilit kun bakunado man ukon indi.
Ginsiguro man ni Chan, nga maga-anunsyo sila sang exact date sang ila pagbukas sang klase.Nagapasalamat man ini nga nakasulod ang nasambit nga unibersidad sa expanded limited face to face classes, buot silingon nga sa sini nga school year posible sila nga makapatigayon sang klase sa anuman nga quarter.
