Napilian bilang flag bearers sang Pilipinas ang Pinay tennis star nga si Alex Eala kag volleyball star nga si Bryan Bagunas sa opening ceremony sang 33rd Southeast Asian Games sa Thailand.
Suno kay Philippine Olympic Committee (POC) President Abraham “Bambol” Tolentino, matunog ang pangalan sang duha sa sulod kag sa gwa sang sporting arena.
Ang duha ang ginakabig nga best picks bangud sa ila pagkapopular para sa tournament nga magasugod sa Disyembre 9 sa Bangkok, Thailand.
Matandaan nga si Eala, ang yara sa world number 50 matapos ang iya kadalag-an sa WTA tournaments.
Samtang si Bagunas ang team captain sang Alas Pilipinas men’s national team sang ginpatigayon ang Fédération Internationale de Volleyball World Championship sa pungsod subong nga Setyembre.
