-- ADVERTISEMENT --
Napaslawan nga makasulod sa finals sang Jingshan Tennis Open si Pinay tennis star nga si Alex Eala matapos nga ginlutos siya ni Lulu Sun sang New Zealand sa score nga 6-3, 4-6, 2-6.
Ginkuha ni Eala ang una nga set kag naglabaw sang 2-1 sa ikaduha nga set, apang ginsundan ini ni Sun sang apat ka sunod-sunod nga kadalag-an.
Nakabawi si Eala kag nagdaug sang duha ka sunod-sunod nga hampang agud makaapas, apang wala niya mapunggan ang pag-alsa ni Sun.
Gintinguhaan ni Eala nga magbalos, apang ginselyohan ni Sun ang iya kadalag-an sa katapusan nga set.
Ini na ang ikaduha nga kapierdihan ni Eala kay Sun matapos sila nag-atubangay sa Wimbledon qualifiers sang nagligad nga tuig.
-- ADVERTISEMENT --
Ang Jingshan tournament magatapos nga wala si Alex Eala makasulod sa final.
