Sulod na ang Filipina tennis star nga si Alex Eala sa 2nd round sang Dubai Tennis Championships.
Ini matapos nga nag-atras si Hailey Baptiste sa ikaduha nga round.
Nakuha ni Eala ang una nga kadalag-an sa first round sa iskor nga 6-4.
Pagsulod sa ikaduha nga round, nangin mabaskog ang hampang sang American tennis star.
Madamo pa nga deuces ang nakuha ni Eala apang sang nag-abanse si Baptiste sa iskor nga 1-0, nagdesisyon ini nga untaton ang hampang.
Ginpahayag nga naka-eksperyensya sang sakit sa tiyan ang American tennis player gani mas maayo nga indi na magpadayon sa hampang.
Tuman ang kalipay ni Eala sa kadalag-an kag nagpangamuyo nga mag-ayo ang American tennis player.
Samtang, masunod nga atubangon ni Eala ang World number 8 nga si Jasmine Paolini sang Italy.
