Filipina tennis star Alex Eala, sulod na sa quarterfinals sang Philippine Women’s Open

Sulod na sa quarterfinals sang WTA 125 Philippine Women’s Open ang Filipina tennis star nga si Alex Eala.

Ginlutos ni Eala si Himeno Sakatsume sang Japan 6-4, 6-0 sa hampang nga ginhiwat sa Rizal Memorial Sports Complex.

Sa una nga set, medyo nabudlayan si Eala matapos nga nag-abante sang 4-3 si Himeno apang sang ulihi naabtan sa gihapon kag nakabawi ang Pinay player.

Sa ikaduha nga set, gindominar ni Eala ang hampang kag wala gid gintugutan nga maka-score sang puntos si Sakatsume..

Masunod naman nga atubangon ni Eala si Camila Osorio sang Colombia subong nga adlaw.