CHIBA, Japan – Ginsentensyahan sang Chiba District Court sa Japan sang life imprisonment ang isa ka Filipino technical intern matapos nangin guiltysiya sa pagpatay sa duha ka Cambodian technical interns nga iya kaupod sa apartment sa Tomisato, Tokyo.
Ginkilala ang biktima bilang Cambodian nationals kanday Mong Samet, 25-anyos, kag Chhat Chhit, 20-anyos nga ginbuno sa dughan gamit ang kitchen knife, samtang ang suspek amo si Bulan Roel Bulan, 35-anyos, ginaalegar nga may schizophrenia siya humalin sang tion sang iya pag-abot sa Japan.
Natabo ang insidente sang 1:30 sang kaagahon sang Mayo 26, 2022, sa isa ka apartment sa Tomisato, Tokyo Japan, kun sa diin gintan-aw ini nga wala sang bastante nga nga ilakip ang duha sa malain niya nga ginahunahuna.
Suno sa Presiding Judge nga si Satoshi Miyamoto, naka-eksperyensya si Bulan sang stress kag low self-esteem bangud sa napaslawan sa iya employment plans kag wage disparity kun sa diin indi ini makahatag sang rason man ukon justification sa iya ginhimo.
Dugang pa sang korte isa ka selfish nga tikang ang iya pagplano nga iupod ang duha ka Cambodian nationals sa iya malain nga plano.
Sa karon ginkumpirma sang korte nga fully criminally responsible si Bulan bangud may husto ini nga pagintiendi sa iya palibot sang natabo ang krimen.
