Ginkumpirma sang Commission on Elections (Comelec) nga nagtugma ang fingerprints sa election record ni suspended Bamban, Tarlac Mayor Alice Guo sa Chinese National nga si Guo Hua Ping.
Suno kay Comelec Chairman George Erwin Garcia, sa findings sang ila fingerprint experts, nag-match ang fingerprints sa mga dokumento ni Mayor Guo.
Kalakip diri ang iya nga dokumento sa Immigration nga gingamit sang NBI, NBI clearance, certificate of candidacy, application for voter’s registration, Election Day Computerized Voter’s List sadtong 2022, kag Election Day Computerized Voter’s List Barangay kag SK Elections sadtong 2023 kag tanan nga ini ang nag-match sa fingerprints sang Chinese passport holder nga si Guo Hua Ping.
Suno sa pila ka mga law department, may bastante nga factual basis para magpadayon sa imbestigasyon.
Sa masunod nga semana, magadesisyon ang Comelec kun kasuhan bala ang suspendido nga alkalde sa Regional Trial Court bangud sa material misrepresentation nga nagalapas sa Omnibus Election Code.
