ROXAS CITY-Ginpresentar sa ginpatigayon nga session sang Sangguniang Panlalawigan ang kaundan sang Official Complaint ni Mrs. Marites Lara Ashraf ang iloy sang anay Miss Universe Phillipines Capiz Candidate Mariam Lara Ashraf may kaangtanan sa nangin isyu nga pagpabaya sa anak sini rason nga nagdesisyon nga magback-out ang nasambit nga kandidata sa pagpasakup sa kompetisyon.
Sandig sa ginbasa ni Sangguniang Panlalawigan Secretary Zoe Herrera, nangin kaundan sang Official Complaint sang ginang amo ang ginaalegar paghaylo sang mga MUP Capiz Organizers sa anak sini nga magpasakop sa Miss Universe Philippines 2020.
Suno diri nga una palang nagpamalibad na si Mariam apang ginapasuni ginpangakuan ini nanday Cocoy Vidal, Charly Distor kag Jonathan Lomogdang nga pagasuportahan sang Provincial Government ang pagpasakop ni Mariam sa nasambit nga kompetisyon.
Samtang, nagpanugyan naman si Board Member Thea Faith Reyes nga paganotaryuhan sang nasambit nga ginang ang ginpadala sini nga sulat agud pamaagi sini mahibaluan kun matuod ayhan ang tanan nga nakasaad sa ginpadala sini nga complaint.
Mahimo nga magapatigayon sang Committee Hearing ang Sangguniang Panlalawigan sa tion nga natapos na ang pagnotaryo sang nasambit letter complaint kag pagasugoran na ang imbestigasyon sa natabo kay Mariam Lara Ashraf.
