Handa nga magtestigo si Former Ako Bicol party-list Rep Zaldy Co sa impeachment complaint hearing batok kay President Ferdinand Marcos Jr angot sa korapsyon sa flood control project kag sa national budget issue.
Ini ang ginpahayag ni Former Anakalusugan Rep. Mike Defensor sa isa ka press conference sang Biyernes, isa ka adlaw matapos nga napaslawan sa pag-file sang impeachment complaint batok kay Marcos sa Office of the Secretary General.
Gintuyo sang grupo ni Defensor nga magpasaka sang impeachment complaint batok kay Marcos sadtong Huwebes apang ginpanginwala bangud yara sa luwas sang pungsod si House Secretary General Cheloy Garafil.
Dugang pa nga pamangkuton sang grupo ni Defensor kun ano ang ginhimo sang Office of the Secretary General bangud base sa Rules of the House, ang impeachment complaint ang ginapasaka sa opisina kag indi sa Secretary General.
Pahayag pa nga pagatun-an sang grupo sang anay mamalidha ang ila masunod nga legal nga tikang lakip na kun bala magabalik sila sa Office of the Secretary General agud magpasaka sang reklamo.
