ROXAS CITY, CAPIZ- Nagpasaka sang reklamo si Atty. Rowena Guanzon, nga anay Comelec Commissioner, matapos ini siya nga ginsaway kag ginpahalin sang isa ka Chinese national nga lalaki sa Rockwell Power Plant Mall, Makati City bangud sa iya nga pag-ubo sang maka-isa ka bes.
Ang Chinese national amo si alyas “Chiong”.
Sa eksklusibo nga interview sang Bombo Radyo Roxas kay Atty. Guanzon, iya ginpahayag nga nagbakal siya sang cake kag nagakatol ang iya nga tutunlan matapos makakaon sang makahang. Samtang nagapangita ini sang tubig, nagpadulong ini sa ia ka cookie stall sa diin nagalaum siya nga may baligya nga tubig diri.
Suno kay Atty. Guanzon, gapila siya sa amo nga balaklan, apang nakaubo ini siya sang maka-isa ka bes, apang nagatalikod sa iya sini nga ginasaundan nga si Chiong ka gang asawa sini.
Ginsaway ini siya ni Chiong kag ginpanghambalan sang malain nga tinaga sa diin nga para sa iya, isa ka pagpangbastos sa iya sa diin nga ginsabat niya man ini nga kun indi sini luyag nga magkasakit ukon nagamasakit ini, siya ang maghalin sa mall.
Gilayon nga ginpatawag ni Atty. Guanzon ang security guard agud nga maistoryahan ang natabo apang wala gihapon nagpangayo pasaylo ang lalaki bisan pa ang asawa sini nagpakita sang pag-intindi.
Pagkatapos nga wala sa gihapon kapangayo sang pasaylo ang lalaki, nagpatawag sang pulis si Atty. Guanzon kag didto nga nagpadulong sila sa isa ka police station.
Apang, sang tion nga basahan na sang Miranda rights ang akusado nga Chinese national, ginpalagyo ini sang ila nga abogado.
Nahibaluan nga ginpasaka ni Guanzon ang kaso nga unjust vexation kag grave oral defamation sa amo nga lalaki samtang ginatinguhaan man sini nga ma-locate ang nag-video sa amo nga insidente.
Gin-athag naman sang natungdan nga indi siya madumtanon bangud nga ginhatagan niya man sang tyansa nga makapangayo sang pasaylo apang wala ini ginhimo, rason nga nagpasaka na siya sang kaso kag nagpahanumdom man ini sa mga mall goers nga sa kada tion nga magpadulong sa mga mall mangin aware sa palibot kag protocols nga ginapatuman kaangay sang pagdumili sa pag-video sa palibot.
Interviewed by Bombo Francis Biñas
