Nagpabutyag sang kasubo kag kaakig ang former matinee idol nga si Robby Tarroza batok kay Senator Jinggoy Estrada nga nagaatubang subong sang mga alegasyon sang korapsyon may kaangtanan sa mga flood control projects sa Bulacan.
Ginpanawagan ni Robby nga mag-resign na si Senator Estrada bangud kun indi, ibuyagyag niya ang “double life” sang senador.
Suno kay Tarroza, si Estrada ang isa sa mga rason sang ila pagbulagay sang longtime partner nga si Joed Serrano, isa ka concert producer.
Pahayag pa niya, ginaalegar may yara sang relasyon sanday Estrada kag Serrano sang 2004 kadungan sang presidential campaign ni Fernando Poe Jr.
Dugang pa sang natungdan, may mga “resibo” ukon ebidensya siya nga ginakaptan kag handa siya nga ibuyagyag ini sa publiko.
Sa subong, wala pa nakapaguwa sang sabat ang opisyal angot sa mga akusasyon ni Tarroza.
