Ginpanginwala ni former President kag subong Pampanga Rep. Gloria Macapagal-Arroyo ang mga alegasyon nga imbolbado siya sa plano nga islan si House Speaker Faustino “Bojie” Dy III, kag ginpahayag ang iya padayon nga suporta sa pagpamuno sang subong nga lider sang Kamara.
Suno sa anay presidente, ginpahayag sini nga gina-denyy niya ang tanan nga mga alegasyon sang gina-alegar ouster plot batok kay Dy, matapos nagguwa ang mga report nga may ginahimo ini nga aksyon agud mapahalin siya.
Gindugang sini nga may pagsalig sa gihapon siya sa pamunuan ni Dy kag ginhatagan pagtamod ang ila “mutual support” nga nagsugod sa panahon sang nagtaliwan nga amay sang Speaker.
Nagtuhaw ang isyu samtang nagapreparar ang Kamara sa natalana nga impeachment hearing batok kay Vice President Sara Duterte sa Abril 14 nga nagdugang sa tensyon sa sulod sang House of Representatives.
Matandaan nga may speakership fights na si Arroyo: sang 2018, nangin House Speaker siya matapos ginpahalin si Pantaleon Alvarez antes ang ikatlo nga State of the Nation Address ni anay Presidente Rodrigo Duterte.
Bangud sini, nangin sentro siya sang espekulasyon sa tagsa ka may yara sang leadership shake-up sa Kamara.
Sa subong, hugot niya nga ginpanginwala ang bisan ano nga koneksyon sa mga alegasyon sang kudeta batok kay Dy, kag nag-insister nga ang iya papel amo ang pagsuporta sa karon nga liderato sang Lower House.
