Ginpamatbatan sang 25 ka tuig pagkapreso sang ICC ang anay presidente sang Kosovo nga si Hashim Thaci.
Ini matapos mapamatud-an nga guilty sa kaso nga war crimes.
Sa ginhiwat nga trial, ginpamatbatan sang krimen sa tion sang independence war sang Kosovo batok sa Seriba sang 1990.
Sa nasambit nga inaway may kapin sa 10,000 ka mga tawo ang napatay.
Ang verdict ginpagwa matapos ang tatlo ka tuig nga hearing sa mga kaso nga nagalakip sang murder, illegal arrests, torture kag cruel treatment.
Bisan ang pila ka mga alegasyon batok sa iya nga wala pa napamatud-an.
Si Thaci isa ka co-founder kag kumander sang Kosovo Liberation Army (KLA), ang grupo nga nagpakig-away para sa kahilwayan kag ginakabig nga isa ka baganihan sa Kosovo.
Gin-akusahan siya nga nagpatay sang mga 100 ka tawo.
Tatlo ka anay kumander sang KLA ang ginpamatbatan upod sa iya.
Si Thaci nangin una nga Prime Minister sang Kosovo sang nagdeklarar sila sang kahilwayan sang 2008 kag nangin presidente apang nag-resign sang 2020 agud atubangon ang kaso sa Hague.
